देवरुख (संगमेश्वर) : चतुरंग प्रतिष्ठानच्या ‘मुक्तसंध्या’ या उपक्रमांतर्गत अभिरुची-देवरुख यांच्या सहकार्याने सुप्रसिद्ध युवा अभिनेता, दिग्दर्शक अद्वैत दादरकर यांच्या मुलाखतीचे आयोजन करण्यात आले आहे. हा कार्यक्रम सहा जुलैला संध्याकाळी सहा वाजता देवरुतील पित्रे प्रायोगिक कलामंच येथे होणार आहे.
यात प्रा. मीनल ओक या दादरकर यांची मुलाखत घेणार असून, या मुलाखतीदरम्यान रसिकांना दादरकर यांच्याशी संवाद साधण्याची संधी मिळणार आहे. या कार्यक्रमाला देवरुखवासियांनी मोठ्या संख्येने उपस्थित राहावे, असे आवाहन चतुरंग प्रतिष्ठान आणि ‘अभिरुची’तर्फे करण्यात आले आहे.
कार्यक्रमाविषयी :
दिवस : शनिवार, सहा जुलै २०१९
वेळ : सायंकाळी सहा वाजता
स्थळ : पित्रे प्रायोगिक कलामंच, देवरुख.